Wat elke Graad 9 leerder moet weet en doen VOORDAT hulle Graad 10-12 vakke kies!

Elke mens behoort te droom oor 'n blink toekoms. Elkeen van ons beskik oor die potensiaal om suksesvol te wees. 

Beskik jong Graad 9 leerders oor die vermoë om te droom oor toekomstige sukses? Beskik hul oor die ervaring om vakkeuses uit te oefen wat hul toekomsplanne kan maak of breek?

In my ervaring met leerders, is daar maar net 'n handjievol wat oor sulke vermoëns beskik. In die meeste suksesvolle gevalle het ouers hul kinders gehelp om kennis oor loopbane en studierigtings in te win, sodat hulle ingeligte loopbaankeuses kon maak.

Hoe dit ookal sy, of jou kind nou 'n advokaat, onderwyser, loodgieter of aktuaris wil word, hul moet reeds in Graad 9 die regte vakke kies om daardie droom te bewaarheid. Ons as ouers behoort ons kinders in hierdie proses te ondersteun met alles wat in ons is!

Daar is diegene wat gelukkig genoeg is om hul kinders na skool na ‘n Kollege of Universiteit toe te stuur vir verdere opleiding en vir sulke studente is die kanse om hul talente en belangstellings in 'n goeie beroep uit te leef baie groot, maar as hul nie reeds in Graad 9 die regte vakke vir Graad 10-12 gekies het nie, kan dit die hele appelkar vol toekomsdrome omgooi.

Waar begin mens?

Daar is soveel studie- en beroepsgeleenthede beskikbaar. Dit is nogal oorweldigend om een studierigting uit die massa en massas moontlikhede te kies. Om die beste keuses te maak, behoort ons lank voor Graad 9 al met ons huiswerk te begin om so die kinders se visie en horisonne te verbreed! As jy graag jou kind hiermee wil help, kan jy dalk volgende raad te volg:

• Stel voor dat jou kind met jou, hul maats en die Lewensoriënteringsonderwyser oor hul toekomsplanne gesels.
• Woon saam met jou kind loopbaanuitstallings by, besoek relevante stalletjies en vind uit oor die toelatingsvereistes.
• Besoek 'n werkplek en gesels met mense wat in daardie beroepsveld werk. 
• Gesels met studente wat reeds in daardie rigting studeer. 
• Kontak universiteite en vra uit oor hul toelatingsvereistes en vra hul prospektus met kursusse aan. 
• Doen deeglike internetnavorsing oor die rigting wat jou kind oorweeg.
• Laat jou kind deur 'n Beroepsielkundige evalueer. 

Om hierdie tipe navorsing eers in Graad 11 en 12 te begin doen, is eintlik te laat. Meeste universiteite aanvaar nuwe kandidate op grond van hul Graad 11 prestasies en as jou kind dus nie van Graad 9 af weet hoe belangrik moontlike spesifieke vakprestasie vir sekere studierigtings is nie, mag hulle dalk die fout maak om nie hard genoeg in Graad 9-11 te studeer nie, swak punte in die vakke behaal en dan nie aan al die toelatingsvereistes vir die gekose studierigting voldoen nie. 

Hoe om die regte vakke te kies 

Die skoolvakke wat jou kind vir Graad 10 tot 12 kies, bepaal vir watter universiteitstudieprogramme hul sal kan aansoek doen. Jou kind se skoolvakke en die vakprestasies moet ooreenstem met die toelatingsvereistes van die instansies waar hul wil studeer en met die studierigtings wat hulle kies.  

Jy en jou kind kan hierdie raad volg om aan die einde van Graad 9 die regte vakke te kies: 

• Vind uit waarin jou kind uitblink: Dit help wanneer jy weet wat jou kind se sterkpunte is. Maak ’n lys van elke vak en vra of hulle dit geniet, goed daarin vaar, of dit hul leerstyl pas en of dit hulle in die toekoms gaan help. 
• Kry deurlopende ekstra klasse in probleemvakke: Omdat jou kind se Wiskunde- of Wetenskappunte swak is, beteken nie noodwendig dat hul nie Wiskundig aangelê is nie. Die probleem kan eerder by gebrek aan studievaardighede of gebrek aan genoeg kennis lê, wat maklik aangespreek kan word en die probleem kan oplos. 
• Moenie onder groepsdruk swig nie: Jou kind kan in die versoeking kom om ’n vak te kies net omdat hul vriende dit kies. Dit kan hul moontlik duur te staan kom as dit nie die regte keuse vir hul eie toekoms is nie.  
• Beplan vooruit: Graad 9  leerders is nog jonk en om sulke groot besluite te neem op daardie ouderdom is nie maklik nie. Soos wat hul ouer word ontdek hul dalk ander interessante loopbane om van te kies. Deur vakke te kies wat ’n wye speling bied is dus wys. Met wye speling vakke is hul keuses vir verdere opleiding of toekomstige werkgewers nie beperkend nie. Deur by die meer algemene vakke te bly wat enige deur vir hulle kan oopsluit in die toekoms, is dus wys indien jou kind nog nie 'n vaste loopbaanbesluit geneem het nie. Wiskunde, Fisiese Wetenskap, Geografie, Besigheidstudies, Ekonomie is van die vakke wat meer algemeen is en baie deure kan oopsluit. 

Wat van die gevreesde Wiskunde?

Met die instelling van Wiskunde Geletterdheid as ’n alternatief vir Wiskunde, is die versoeking om die makliker uitweg te kies, yslik groot! 

Dit is baie belangrik om jou kind te begelei en te ondersteun om goed na te dink oor watter een van die twee jou kind sal bevoordeel in die toekoms.

Talle naskoolse studierigtings verg Wiskunde as toelatingsvereiste alhoewel Wiskunde Geletterdheid in ander gevalle ook aanvaarbaar is. Maak baie seker watter een van die twee die voorgenome studierigting vereis. 

As jou kind tans swak in Wiskunde presteer en dus nie van die vak hou nie, beteken dit nie noodwendig dat hul nie Wiskundig aangelê is nie! Dit kan bloot beteken dat:

• jou kind dalk nie genoeg Wiskunde oefen nie, 
• dalk nie regtig die begrippe in die klas verstaan het nie 
• of selfs nie weet hoe om vir Wiskunde te leer nie. 

As daar gebrekkige begrip van moeilike konsepte is, kan 'n ekstra Wiskunde- klasse die probleem gou oplos!

Mens moet regtig daarteen waak om nie 'n leerder se toekomsmoontlikhede te beperk omdat die wortel van die leerder se Wiskunde probleem nie gesoek en opgeklaar is nie. Deur die kind te leer hoe om hierdie uitdaging te oorkom en toe te rus met die nodige kennis, kan hul dalk die Wiskunde- monster  oorwin en hul toekomsmoontlikhede verbreed. 

Wiskunde Geletterdheid het beslis sy plek! Daar is leerders wat nie nodig het om die moeilike Wiskundige begrippe te verstaan of wat nie oor die kognitiewe vermoë beskik om Wiskunde te bemeester nie. Vir diegene is Wiskunde Geletterdheid 'n uitkoms.

'n Bekende professor het egter iewers opgemerk dat Wiskunde Geletterdheid ’net deur die gemiddelde en selfs slim kinders gekies word as hul 'n maklike uitweg soek. Hy meen dat die vak net kortstondige verligting bring, maar dat dit kinders kniehalter wanneer dit by verdere opleiding na skool kom.

Hoekom is Wiskunde belangrik?

• Dit verbeter jou kind se logiese en kritiese denke
• Dit kweek deursettingsvermoë 
• Dit ontwikkel probleemoplossingsvaardighede
• Dit bou jou kind se karakter
• Dit vergemaklik tersiêre studie al is dit harde werk om die vak werklik te bemeester
• Wiskunde maak open deure wat tot ’n verskeidenheid van studierigtings en loopbane lei.

Begin reeds vroegtydig om met jou kind oor moontlike vakkeuses te praat sodat julle genoeg tyd het om daaroor te dink en die nodige navorsing te kan doen. 

Vir die van julle wat klaar in Graad 10 en 11 is, is daar steeds hoop as jul nog gou van vak in die nuwe jaar wil verander. Die eksamenrade skep vir leerders die geleentheid om vroeg in die jaar vakveranderings te doen. Begin net dadelik daaroor dink! Dit sou nie raadsaam wees om eers in Graad 12 vakke te verander nie, aangesien die akademiese jaar veels te kort is en jou kind nie genoeg tyd sal hê om die vak voor die eindeksamen te bemeester nie, 

Cum Laude Akademie in Centurion help Graad 10-12 tuisleerders om saam met die ouers en leerders, die regte vakkeuses uit te oefen. Ons tuisonderrigesentrum ontwikkel leerders as 'n geheel en maak van hulle wenners, as hulle die raad wat ons gee volg en hul deel heelhartig doen.

Vir verdere raad oor Graad 9-12 vakkeuses, kontak ons gerus. Ons help graag. 

-------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 9--12 tuisskolers. Die Cum Laude tuisleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. *Afstandsleer opsies is ook beskikbaar.* Bepalings en voorwaardes geld.

Registrasies vir Graad 9--11 leerders in 2016 is nou oop.

Nuwe Wiskunde Regulasie Wink Op Die Horison

Voornemende Graad 10 leerders moet kennis neem van die volgende aangaande Wiskunde Graad 10-12. 

Alle aanduidings is daar dat die Nasionale Senior Sertifikasie-regulasies eersdaags aangepas sal word om Wiskunde vir Graad 10-12 leerders, wat die volgende vakke neem, verpligtend te maak : 

• Fisiese Wetenskappe, 
• IT, 
• Lewenswetenskappe, 
• Rekeningkunde, 
• Ekonomie,
• Geografie en 
• Geskiedenis

Te veel leerders kies om die minder uitdagende Wiskundige Geletterdheid te neem, terwyl vakke soos hierbo genoem, soms ingewikkelde Wiskundige berekenings verlang wat nie in die Wiskundige Geletterdheidsillabus aangespreek word nie. Wiskunde is eenvoudig die sleutel tot baie meer deure as Wiskunde Geletterdheid! Al behaal jou kind eendag net 40% vir Wiskunde in Graad 12, het hul steeds Wiskunde as vak op hul sertifikaat met baie meer opsies vir toekomstige studie!

Dit is dus nie raadsaam vir nuwe Gr 10-leerders om sommer uit die staanspoor Wiskundige Geletterdheid as vak te kies as hul enige van die ander genoemde keusevakke wil neem nie! 

Daar is nog nie duidelikheid wanneer die nuwe regulasie ingestel gaan word nie. Dit blyk nie asof dit vir 2015 beplan word nie, maar leerders word aangeraai om eerder nou reeds reg te kies, sodat hulle nie dalk later deur die regulasie geraak sal word nie.

Watter studierigtings verlang Wiskunde as vak?

Wiskunde, en nié Wiskundige Geletterdheid nie, is ‘n vereiste vir universiteitstudies in die volgende velde:

• Aptekerswese
• Argitektuur
• Besigheids- en finansiële studies
• Biochemie
• Biomediese Tegnologie
• Chemie
• Fisika
• Ingenieurswese (insluitende siviel, elektries,bedryfs, meganies en megatronika)
• Konstruksiestudies en Konstruksie-ekonomie (die boubedryf)
• Mikrobiologie
• Natuur- en fisiese wetenskappe (BSc programme)
• Onderwys (vir voornemende Wiskunde-, FisieseWetenskappe- en Rekeningkunde-onderwysers)
• Polimeertegnologie (rubber-, plastiek- en verftegnologie)
• Rekenaarwetenskap en Inligtingstelsels
• Rekeningkunde
• Wiskunde en Wiskundige Statistiek

Maar my kind se Wiskunde is swak! 

Jy dink dalk jou tiener se Wiskunde is swak. Jou kind voel dalk hul het die stryd teen Wiskunde verloor en dat Wiskundige Geletterdheid die enigste antwoord is. 

Wees verseker, jy en jou kind is nie die enigstes wat so voel nie! Meeste Graad 10-12 leerders voel ongelukkig so!

Leerders wat so ''verlore'' voel, glo meestal dat hul nie ''slim'' genoeg is om Wiskundige konsepte te verstaan nie. Hul voel en glo gewoonlik dat dit nie saakmaak hoe hard hulle leer nie, Wiskunde bly maar Grieks...

Ons almal weet dat jou kind beslis nie te ''dom'' vir Wiskunde is nie! Die enigste verskil tussen jou Graad 10-12 leerder en 'n leerder wat 80+%  vir Wiskunde kry, is die AKSIES wat hulle daagliks neem... 

As jou kind tans nie goed in Wiskunde vaar nie en daarom Wiskundige Geletterdheid vanaf Graad 10 wil neem, moet jy eers probeer bepaal of:

• jou kind regtig weet hoe om Wiskunde te bemeester en hoe om daarvoor te leer? 
• jou kind, tot op hede, die nodige werk ingesit het om in Wiskunde te presteer. 
• jou kind nie noodwendig te ''dom'' is nie, maar eerder te ''lui'' is om Wiskunde reg te benader? (Selfs die ''luiheid'' kan soms toegeskryf word aan die feit dat die leerder eintlik onkundig is oor hoe om Wiskunde aan te pak. Leerders wat snap hoe om Wiskunde te benader, geniet meestal sommer gou die vak en hul punte verbeter drasties!)

By Cum Laude Akademie Tuisskoolsentrum vir Graad 10-12 leerders in Centurion, weet ons presies wat nodig is om leerders die Wiskunde punte te laat behaal wat hulle graag wil hê.  Ons weet presies wat leerders moet doen om in die Wiskunde-eksamen goed te vaar. Ons leer elke leerder hierdie vaardighede aan, sodat hulle met vertroue kan doen wat nodig is om Wiskunde baas te raak!

So presies wanneer die Nasionale Senior Sertifikasie-regulasies aangepas sal word om Wiskunde vir Graad 10-12 leerders met die bogenoemde vakke verpligtend te maak, weet niemand tans nie. Een ding weet ons wel: Wiskunde is 'n belangrike vak wat vir sy leerders deure oopsluit wat daarsonder, of met slegs Wiskunde Geletterdheid, toegesluit sal bly.

Skakel eerder vroegtydig by Cum Laude Akademie in en leer hoe om Wiskunde aan te pak en baas te raak as om sommer uit die staanspoor uit die makliker uitweg te kies, wat mens dalk later duur te staan kan kom. 

-------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 9--12 tuisskolers. Die Cum Laude tuisleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. *Afstandsleer opsies is ook beskikbaar.* Bepalings en voorwaardes geld.

Registrasies vir Graad 9--11 leerders in 2016 is nou oop.

Kreatiewe Uitlewing 'n MOET vir Graad 10-12 Tuisskolers

Creativity is as important now in education as literacy and we should treat it with the same status.” ― Ken Robinson

Of tuisskolers kreatiwiteit meer belangrik ag as hoofstroomskole is sekerlik debatteerbaar, maar een ding is verseker: tuisskoolouers het groter beheer oor hul kind se kreatiewe stimulasie, aangesien hulle meer beheer oor die tuisskoler se dagprogram het. Dit is alombekend dat van die mees bekende kreatiewe uitvinders in die geskiedenis, ook tuisskolers was (bv. Thomas Edison, Alexander Graham Bell en Michael Faraday). As hulle ouers hul kreatiwiteit lewendig kon hou tydens tuisskoling, dan kan ons mos ook...

Tog is dit jammer om te sien dat sommige tuisskolers se kreatiewe blootstelling tot jonger grade beperk word. Talle hoërskool tuisskolers se kreatiewe aktiwiteite word gestaak sodra hul Graad 8 of 9 betree.  Die redes hiervoor is sekerlik uitgebreid, maar is onder andere dat: 

• ouers en leerders dink dat kreatiwiteit by jonger kinders, wat nog tyd het om te speel, hoort, 
• leerders as gevolg van groepsdruk reken dat dit nie "cool" is om nog bv. pottebakkersklas op 16 jarige ouderdom te neem nie!

Talle tuisskoolgroepe en tuisskoolsentrums poog wel om kreatiewe ontspanning vir tuisskolers te bied waar hul saam met ander tuisskolers kreatief kan wees en kan sosialiseer. Ongelukkig is dit weer eens die jonger tuisskolers wat gewillig aan hierdie gesellige groepsaktiwiteite deelneem. Meeste hoërskoolleerders vind nie dat hierdie samekomste geskik vir hulle ouderdom en belangstelling is nie en staan dan net verveeld rond of neem nie heelhartig aan die aktiwiteite deel nie.

Hoe kan ek my tuisskooltiener sy kreatiwiteit laat uitleef?

Kreatiewe uitlewing is nie alleen terapeuties nie, maar ook opvoedkundig en behoort dus beslis 'n integrale deel van elke senior tuisskoler se tuisskoolprogram te wees. Senior tuisskolers beleef soms erge akademiese druk as gevolg van die werkslas en het juis kreatiewe afleiding nodig! 

Jy kan jou senior tuisskoler 'n verskeidenheid aktiwiteite laat doen wat net 'n paar lesse behels en dan oor en verby is. Korter kursusse werk altyd goed, aangesien mens die kursus rondom die leerder se program kan beplan. So 'n kursus is gewoonlik kort en kragtig genoeg en verhoed dat die leerders se akademie daaronder ly of dat hul verveeld met die inhoud raak.

Die volgende kursusse is maklik bekombaar en werk uitstekend vir die senior tuisskoler:

• Mosaiek kursus, 
• Loodglaskursus, 
• Koekversiering - seuns is mal daaroor! 
• Houtwerk 
• Webwerf ontwerp
• Lintborduurwerkkursus
• Naeltegnikus-kursus en ja, selfs seuns vaar ook uitstekend hiermee as hul daarvan hou om met hul hande te werk!
• Fotografie
• Ballroomdanskursus

Leerders wat hierdie tipe kursusse doen, ontwikkel nie net hul kreatiwiteit nie, maar leer so speel-speel vaardighede aan waarmee hul iets kan doen om 'n sakgeldjie te verdien. 

Graad 10-12 leerders wat by Cum Laude Akademie Tuiskoolsentrum inskakel word sterk aangemoedig om aan kreatiewe aktiwiteite in hul vrye tyd deel te neem. Ons poog om die leerder in totaliteit te ontwikkel sodat hul aan die einde van Graad 12 goed gebalanseerde, kerngesonde mense kan wees.    

*****

So of jou tuisskoler leer skilder, leer naaldwerk doen, leer swys of leer koekversiersier, die ontwikkeling en uitlewing van hul kreatiwiteit is net so belangrik soos om te leer lees en skryf. Kunsaktiwiteite is daarvoor bekend om leerders te laat ontspan, terwyl dit so stilletjies in die agtergrond akademiese ontwikkeling stimuleer.

Creativity is as important now in education as literacy and we should treat it with the same status.” ― Ken Robinson

--------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 10-12 tuisskolers woon daagliks die tuisskoolsentrum by en gebruik dieselfde KABV sillabus as wat die skole gebruik. Die Cum Laude sentrumleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. *Afstandsleer opsies is ook beskikbaar.* Bepalings en voorwaardes geld.

Registrasies vir Graad 10-11 leerders in 2015 is nou oop.

Waarom tuisskool ouers hul kinders? Wat van sosialisering?

In Suid-Afrika is tuisonderrig besig om te ontplof! Kinders van verskillende tale en kulture tuisskool deesdae: of dit nou deur afstandsleer is of deurdat hulle 'n tuisskoolsentrum bywoon. Watter vorm ouers ookal kies, die redes daarvoor is deur die bank dieselfde en die vraag wat buitestaanders altyd vra is ook dieselfde:  ''Wat van sosialisering? ''

Wat van sosialisering?

Die grootste vrees wat nuwe tuisskolers (en hul familie en vriende) rondom tuisonderrig het, is die geykte kwessie van sosialisering. Hierdie kwessie is al oor en oor deur tuisskolers oorkom deurdat hulle van die volop geleenthede wat deur tuisskool gemeenskappe aangebied word, gebruikmaak om ten minste op 'n weeklikse basis te kan sosialiseer.

Tuisskolers sit beslis nie heeldag by die huis en vereensaam nie. Hulle gaan op uitstappies, doen leierskaps- en avontuurkampe, doen saam kuns, sport en musiek. As mens eers deel van die tuisskoolkringe word, staan jy eenvoudig verstom oor hoeveel sosialiseringsgeleenthede daar werklik vir tuisskolers is. 

As sosialisering op 'n weeklikse basis nie genoeg is nie, skryf ouers hul kinders by tuisskoolsentrums in. By 'n tuisskoolsentrum, kom kinders van verskillende huishoudings daagliks bymekaar om saam te studeer en onderrig te ontvang onder begeleiding van gekwalifiseerde onderwysers wat 'n hart vir tuisonderrig het.

Wat bied 'n tuisskoolsentrum?

 'n Tuisskoolsentrum soos bv. Cum Laude Akademie, in Centurion,, bied aan leerders 'n huislike, veilige omgewing om in te studeer, in te floreer en in te presteer. 

Dit is veral ouers van Graad 9-12 leerders wat hul kinders by tuisskkoolsentrums inskryf omdat hul graag spesialisonderrig in die senior grade aan hul kind wil bied.  

By 'n tuisskoolsentrum verkeer tuisskolers sosiaal met mede- tuisskolers wat dieselfde waardes as hulle het en in dieselfde bootjie as hulle is. Hulle leer saam en stres bietjie saam voor 'n toets / eksamen en gebruik mekaar as klankbord, wat leer stimuleer en prestasies verbeter. Betrokkenheid by 'n tuisskoolsentrum dien as motivering vir leerders en moedig selfs bietjie gesonde kompetise onder mekaar aan, wat leerders se persoonlike dryfkrag verhoog! 

Tuisskoolsentrums verseker ook dat jou kind se akademie op standaard is en aan al die vereistes vir die Graad voldoen. Dit is veral Graad 10-12 wat deesdae 'n tameletjie is deurdat dit as een kwalifikasie hanteer moet word.  Geregistreerde tuisskoolsentrums soos Cum Laude Akademie bly op hul tone en op die voorpunt van nuwe verwikkelinge in die nasionale beleid en gee dit aan tuisskolers en hul ouers deur. 

Hoekom kies ouers om hul kinders te tuisskool?

• Om hul kind se prestasies te verbeter en akademiese standaarde te verhoog: Tuisskoolouers stem gewoonlik nie saam met die oorvol klasse en tanende akademiese standaard in hoofstroomskole nie,  Hulle wil graag vir hul kinders uitstaande onderrig gee sodat hulle grondslag vir die toekoms sterk kan wees. Die beste tuisskoolsentrums fokus op hoë akademiese standaarde en individuele aandag, dus is tuisskoling 'n uitstekende alternatief tot hoofstroomskoling. Tuisskolers leer van vroeg af om self verantwoordelikheid vir hul studies te neem, hul het meestal hope selfdissipline en weet ook meestal waarheen hulle oppad is. Dit is 'n bekende feit dat tuisskolers beter vaar aan Universiteite omdat hulle goeie tydsbestuurvaardighede van jongs af aangeleer het.

• Om hul kind te vrywaar teen boelies:
  Talle kinders wat hoofstroom- of privaatskole bywoon was al deur boelies geteiken. Tuisskoolouers vertel soms dat baie van die boelies selfs onderwysers was wat hul kind
  
  emosioneel benadeel en hul selfvertroue geskend het! Waar kinders eens ekstrovertiese, gelukkige kinders was, het die geboelie hul kinders in hul dop laat kruip. By 'n tuisskoolsentrum kry leerders individuele aandag deur personeel wat 'n passie vir tuisskolers het en ook die hart van tuisskoling verstaan en sal dus nooit so ver gaan as om leerders af te kraak nie. Die waardes wat deur personeel en mede-tuisskolers uitgeleef word is opbouend en laat leerders weer veilig voel om te waag en hul beste te gee. 

• Om hul kind se morele waardes en geloofslewe te bewaar: Sommige tuisskoolouers voel dat skole se reg om hoë morele standaarde en dissipline te handhaaf weggeneem word. Disrespek teenoor andere is aan die toeneem en raserige klasse, terwyl die onderwyser klasgee, is ook totaal en al onwenslik. Tuisskoolouers wil graag hul kinders se sedes bewaar en verkies dus om hul kinders uit die hoofstroomskole te neem. 

• Om hul kind se ADHD-simptome onder beheer te bring: ADHD lyers is leerders wat gewoonlik nie die chaos in oorvol klasse kan hanteer nie, Sulke leerders benodig rustiger omstandighede om in te studeer. Hulle sukkel om in 'n warboel te floreer, raak agter in die klas en presteer gevolglik swakker as wat hul hoef. In die tuisskoolsentrum, waar leerders ordelik werk en individuele aandag kry, verminder die ADHD simptome soms drasties en die kind se punte verbeter met rasse skrede.  ADHD lyers raak  nie weg in tuisskoolsentrums nie en pas gewoonlik baie goed in die privater omstandighede aan.

***

Die ware feite is dat tuisskolers oor die algemeen uitstekend gesosialiseer is en kom gewoonlik maklik met alle ouderdomme kinders en volwassenes oor die weg. Hulle beskik meestal oor 'n breë algemene kennis omdat hul ouers van elke geleentheid 'n leergeleentheid gemaak het en kommunikasie in die gesin 'n prioriteit is.

Tuisskoling is sekerlik nie die antwoord vir alle leerders nie, maar is beslis die antwoord vir leerders wat om die redes hierbo genoem, 'n werkbare alternatief soek.

Tuisskoling verg totale toewyding en fokus as jy dit regtig wil maak werk. Deur jou kind in 'n tuisskoolsentrum te plaas, kry jy die beste van twee wêrelde: die veilige, persoonlike aandag van tuisonderrig en die gesellige samesyn met mede-tuisskolers wat, net soos jy, die beste vir hul kinders wil hê.

--------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 9--12 tuisskolers. Die Cum Laude tuisleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. *Afstandsleer opsies is ook beskikbaar.* Bepalings en voorwaardes geld.

Registrasies vir Graad 9--11 leerders in 2016 is nou oop.

Wat bied privaat Kurrikulumverskaffers aan Nasionale Senior Sertifikaatleerders?

Van toeka...

Een-tot-een was nog altyd 'n gesogte vorm van onderrig: vir die antieke Grieke was tuisonderrig 'n filosofiese voorreg wat net vir die rykes beskore was. Gedurende die Renaissance, het welgestelde Engelse, ook tuisskooltutors aangestel om hul kinders die fynere kunsies en afronding, wat hul van ander leerders sou onderskei, aan te leer.

Tot nou...

Vandag is privaatonderrig nog net so gewild en in die mode soos in die verre verlede en dit is lankal nie meer net vir die rykes bedoel nie! Ouers, insluitend enkelouers, vanuit alle dele van die samelewing, wend hul deesdae na privaatonderrig omdat hul so vir hul kinders die beste wil gee en oorvol skole nie aan hul kinders se akademiese behoeftes voldoen nie. 

Vandag word jonger kinders getuisskool omdat ouers hul kinders se onafhanklike denke wil stimuleer en hul nuuskierigheid en liefde vir leer wil aanwakker. 

Ouers van tieners wat al in Graad 10-12 is, tuisskool meestal om hul tieners se matriek resultate te verbeter. Ouers plaas hul kinders deesdae in 'n tuisskooltutorsentrum soos Cum Laude Akademie om hul so te help om hul D-simbole na C's en hul B's na A's toe te verhoog. 

Uiteindelik is privaatonderrig of tuisonderrig se hoogste doel om leerders hul maksimum potensiaal te laat bereik en hul punte sodanig op te stoot dat dit hul plek op Universiteit sal verseker.

Hoeveel kinders ondergaan deesdae privaat- / tuisonderrig?

Volgens (http://www.tuisskolers.org) kan ons aanneem dat daar tans meer as 90 000 tuisleerders in Suid-Afrika is en dat daardie syfers steeds jaarliks groei.

Om dus jou kind privaat te laat leer deur middel van afstandsonderrig of privaatonderrig by 'n tuisskool-tutorsentrum, is dus meer ''normaal'' as wat mense dalk sou dink. Talle ouers kies vandag steeds hierdie opsie om so vir hul kinders die beste opvoedingsgeleentheid te gee. 

So baie ouers oorweeg privaat tuisonderrig, maar is te bang om die stap te neem. Die punt is, privaatonderrig is wettig en uiters effektief. Al wat jy moet doen is om jou kind by die beste sentrum in te skryf sodat jy weet jou kind is in goeie hande. Dit is reeds algemeen aanvaarbaar om jou kind uit die hoofstroomskool te haal en die proses is baie eenvoudig. As die oorvol skole nie vir jou kind werk nie, is tuisskoling en afstandsonderrig 'n 100% wettige, gewilde en uitstekende alternatief.

Vir talle leerders is dit verseker die antwoord om te tuisskool.

Watter kurrikulum is die beste vir Graad R-9 en Graad 10-12? 

Daar is 'n magdom kurrikulumverskaffers daar buite! Nie almal is egter geskik om 'n leerder van Graad R-12 te  neem nie.

Vir die jonger grade is dit algemeen aanvaarbaar om so bietjie af te wissel en selfs kombinasies van materiaal in te span om jou kind te leer. In Graad R-9 kan ouers so 'n tikkie meer kreatiwiteit en vryheid gebruik as hul oor 'n kurrikulum besluit - solank hul bewyse van leer, take en toetse byhou en seker maak dat hulle ten minste by die KABV se minimum vereistes vir die leerder se betrokke graad hou. (Natuurlik is meeste tuisskolers nie met die minste tevrede nie, omdat hul juis hul kinders beter as die staatskole wil onderrig!)

Graad 10-12 is wel 'n perd van 'n ander kleur! Ouers moet baie seker maak dat die kurrikulumverkaffer wat hulle gebruik, se akademiese standaard reg is en ten volle aan die vereistes vir die Nasionale Senior Sertifikaat voldoen, voordat hulle hul kind daar inskryf. Graad 10-12 word nou as een kwalifikasie beskou en ouers kan nie meer hul eie ding met hul tieners op hierdie vlak doen nie en sommiges vind dit te laat uit!

Die Departement van Basiese Onderwys het baie spesifieke vereistes vir Graad 10-12. As jou kind die Nasionale Senior Sertifikaat (NSS) aan die einde van Graad 12 wil bekom, moet hul reeds van Graad 10 af aan die erkende kurrikulum werk om aan al die akademiese vereistes te voldoen.

Cum Laude Akademie is 'n geregistreerde SACAI Assessering- en Tutorsentrum wat baie nou saam met die SACAI-eksamenraad werk om te verseker dat Graad 10-12 leerders se werk op standaard is en aan daardie verseistes voldoen.

SACAI is een van S.A. se drie eksamenrade wat die erkende NSS uitreik wat toegang tot Universiteite verleen mits die leerder se vakkeuses en prestasies dit toelaat.    

Hoekom verlaat leerders die hoofstroomskole en skakel hulle by tutorsentra in?

'n Onlangse studie wat Cum Laude Akademie onder tuisskolers / privaatleerders gedoen het, het toon dat meer as 80%  van hulle die hoofstroomskool verlaat het om "op te maak vir die gebreke van die skoolsisteem". 84% van die leerders het rapporteer dat hulle "baie bang vir eksamens is" en voel dat "...'n tutorsentrum soos Cum Laude Akademie hul met deeglike voorbereiding help".

Onder die tuisskoolrespondente was daar ook ander leerders wat privaatonderrig verkies. Uithaler sportmanne en -vroue, onder andere tennisspelers en swemmers, kies om afstandsonderrig te doen omdat hul gereeld aan internasionale kompetisies deelneem en dus nie gewone skole kan bywoon nie. Trouens, hierdie tendens vind toenemend wêreldwyd plaas.

Wat kos dit om 'n Graad 10-12 kind by 'n kurrikulumverskaffer in te skryf?

Daar is verskillende afstandsleer- of tutorsentra-opsies beskikbaar en die kostes wissel:  

• Afstandsleer kan enige iets tussen R11 000  tot R 18 000 per jaar kos, wat boeke en eksamenraadregistrasies insluit. Nie alle afstandsleer verskaffers bied dieselfde vlak van diens aan nie. Die prys is gewoonlik 'n aanduiding van hoeveel ondersteuning jy as afstandsleerder kan verwag. Pryse behoort ook eksamenfooie in te sluit. Om te verseker dat jy die beste waarde vir jou geld kry, moet jy seker maak dat die sentrum jou kind se vraestelle sal nasien en jy spoedige terugvoer na afloop van die toets kan verwag. Daar is sentra wie se kommunikasie met hul leerders baie swak is en wat geen of min ondersteuning aan leerders bied. Ander sentra lê egter groot klem op kommunikasie plaas en leerders oor enige afstand heen begelei. Maak seker dat jy die regte diensverskaffer kies wat by jou behoeftes pas!

• Sentrumleer kan enige iets vanaf R38,000 tot R42 000 per jaar beloop, wat boeke, tutors en eksamenraadregistrasies insluit. Maak seker dat die sentrumleerders bobaas begeleiding kry en dat die sentrumbestuur in gereelde kontak met jou as ouer is, voordat jy 'n sentrum kies.  

Waarvoor betaal mens as jy by 'n kurrikulumverskaffer inskryf?

Kurrikulumverskaffers en tutorsentra word geensins deur die staat subsideer nie. Daar is geweldige administratiewe verpligtinge wat geregistreerde diensverskaffers moet nakom om te verseker dat die SACAI eksamenraad die tutorsentrum se leerders se werk positief kan modereer. Kurrikulumverskaffers moet ook alle leerders se klaswerk nasien, vraestelle opstel en nasien, opleiding bywoon en sorg dat leerders altyd op hoogte van akademiese sake is. 

Ongelukkig is nie alle kurrikulumverskaffers se standaard ewe hoog nie. Die KABV (CAPS) kurrikulum gee baie goeie riglyne aan diensverskaffers, maar die finale uitvoering daarvan berus by die kurrikulumverskaffer. Dit gebeur dat leerders eers tydens eksterne eksamens agterkom dat hul akademiese vlak nie op standaard ie nie, dus moet ouers verseker dat hul diensverskaffer weet waaroor die werk gaan en wat die vereistes behels.  Cum Laude Akademie beskik oor ervare tutors wat in noue kontak met SACAI, die eksamenraad werk,   

Is tuisonderrig die geld werd?

Ja beslis! Dit is 'n alombekende feit dat privaatonderrig: afstandsleer of sentrumleer, wat reg gedoen word, kinders se prestasies verhoog en wenners kweek. 

Dit is egter belangrik dat die onderrig streng gemodereer word om so te versker dat die akademie op standaard is. Leerders wat by 'n tutorsentrum soos Cum Laude Akademie inskakel se punte verbeter geleidelik namate hul die Cum Laude Akademie se sisteem leer ken, aanvaar en daarmee saamwerk. 

Ons navorsing het bewys dat veral seuns se punte drasties verhoog wanneer hul by die sentrum inskakel.

Standvastigheid en tyd is die sleutel tot Graad 10-12 sukses. Leerders wat reeds in Graad 10 by Cum Laude Akademie inskakel, se suksesvlakke neem toe namate hulle langer deel van die sentrum is. Met verloop van tyd ontwilkkel Cum Lauders selfvertroue en kan min hul van stryk bring.

So,as jou kind daarmee kan doen om raakgesien, waardeer en aangemoedig te word en kan baat by so tikkie ekstra selfvertroue, dan is dit dalk nou die tyd om die lang uitgestelde besluit te neem om jou kind na 'n privaatonderrigsentrum soos Cum Laude Akademie te skuif.

Doelgerigte Voortreflikheid!

--------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 10-12 tuisskolers woon daagliks die tutorsentrum by en gebruik dieselfde KABV sillabus as wat die skole gebruik. Die Cum Laude sentrumleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. *Afstandsleer opsies is ook beskikbaar.* Bepalings en voorwaardes geld.

Registrasies vir Graad 10-11 leerders in 2015 is nou oop.

Hoe werk Graad 10-12 portefeuljelêers in die KABV (CAPS) Kurrikulum?

Hoe belangrik is die Graad 10-12 portefeuljelêers ?

Sedert die nuwe KABV (CAPS) kurrikulum in 2012 in werking getree het, spartel sommige tuisskoolouers nog om agter die kap van die byl te kom. Hoe werk die nuwe Graad 10-12 kurrikulum nou regtig in praktyk? Te veel of te min inligting hieroor verwar tuisskoolgesinne en verhoed hulle om gefokus te werk om die einddoel te bereik. 

Dit is belangrik dat tuisskolers weet wat die nuwe kurrikulum van hulle verwag, want heelwat tuisskolers het al sedert 2012 met 'n skok besef dat hul kinders nie vir Graad 12 kon inskryf toe hulle gevoel het dat hul kind nou oud genoeg of gereed is daarvoor, soos in die verlede nie. 'n Hele paar tuisskolers het op die harde manier geleer en moes noodgedwonge Graad 10 en 11 herhaal! 

As leerders nie kan bewys dat hul in Graad 10 en 11 aan al die vereistes om na Graad 12 bevorder te word, voldoen het nie, mag hul nie vir Graad 12 inskryf nie. Om bewys van 'n paar toetse te lewer wat geslaag is, is nie meer die enigste vereiste as leerders die Nasionale Senior Sertifikaat wil behaal nie.    

Portefeuljetake in alle Graad 10-12 vakke

Die Departement van Basiese Onderwys vereis dat alle leerders portefeuljelêers byhou waarin die voorgeskrewe take en toetse wat die leerder deur die jaar gedoen het gelewer word. Om vir Graad 12 in te skryf, moet leerders dus 'n volledige Graad 10 en 11 portefeuljelêer kan voorlê te midde van die eksamens wat leerders in Graad 10 en 11 moes slaag. 

Wat is die doel van die portefeuljetake?

Die doel van hierdie Skool Gebasseerde Assesseringtake (SGA), is o.a. om:

• leerders aan te moedig om probleme te identifiseer en op te los, 
• leerders te leer om doeltreffend saam met ander as lede van ’n span te werk 
• om hul te leer om hulself te organiseer en te bestuur 
• om inligting te leer versamel, te ontleed, te organiseer en krities te evalueer 
• leerders te leer om doeltreffend deur middel van visuele, simboliese en / of taalvaardighede in verskillende vorme te kommunikeer.

Die leerder se SGA-punt tel saam met die eksamenpunte om die finale punt per vak op te maak. 

Kan tuisskolers hul eie take uitdink en in die portefeuljelêers plaas?

Nee. Dit is nie goed genoeg om in Graad 10-12 'n paar bewysstukke van vorige leer in 'n lêer te hou nie. Die departementele voorskrifte is baie spesifiek. Die werkstukke wat daarin geplaas moet word is voorgeskryf en moet volledig bygehou word as die leerder bevorder wil word.

Hoekom moet my kind 'n volledige portfeuljelêer vir Graad 10, 11 en 12 kan voorlê? 

Die portefeuljelêer dien as bewys dat die leerder die vakinhoud deurgewerk het en die nodige kritiese denke en vaardighede ontwikkel het om die vak te bemeester. Die SGA-punt verbeter ook leerders se kanse om vakke te slaag, aangesien dit saam met eksamenpunte tot 'n finale punt verwerk word. As die leerder dus goeie take en projekte indien, is dit tot hul eie voordeel. 

Verder behou UMALUSI hulself die reg voor om leerders, wat so min as een taak uitstaande in hul portefeuljelêer het, se matriekuitslae te weerhou totdat die werk ingehandig is - of dit nou 'n Graad 10, 11 of 12 taak / opdrag is! Daar is bewyse hiervan in die media waar ouers nie kon verstaan waarom hul kind se matriekuitslae nie bekendgemaak was nie. 

Glo my, ons wil nie dit aan ons kinders doen nie! Doen maar eerder die ding reg...

Hoe kan en verseker dat my kind aan al die Graad 10-12 vereistes voldoen?

Om te verseker dat jou kind se werk aan al die vereistes voldoen en volledig is, is dit raadsaam om jou tiener by 'n geregistreerde SACAI tutorsentrum soos Cum Laude Akademie in te skryf vir die Graad 10-12 fase. Hier sal jou tiener met ander tuisskolers kan sosialiseer en deel voel van 'n groep wat almal ewe hard moet werk. Cum Laude Akademie begelei die leerders deur die dag en verseker dat hulle weet wat van hulle verwag word. Cum Laude Akademie handig ook die leerders se lêers by SACAI in vir moderering, sodat jy as ouer seker kan wees dat jou kind se akademie op standaard is.

Afstandsleerders wat by Cum Laude Akademie inskakel, word ook deeglik begelei in die verband, maar Cum Laude Akademie hou die portefeuljelêers by hulle en bestuur dit namens die tuisskoler.

                                                                        ****

Graad 10-12 is nie vir sissies nie! Die Graad 10-12 kwalifikasie is nou een kwalifikasie en tuisskolers word aangeraai om reeds vanaf Graad 10 by Cum Laude Akademie in te skakel sodat die leerders genoeg tyd het om aan Cum Laude Akademie se sisteem gewoond te raak en om matrieksukses te verseker. 

--------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 10-12 tuisskolers woon daagliks die tutorsentrum by en gebruik dieselfde KABV sillabus as wat die skole gebruik. Die Cum Laude sentrumleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. *Afstandsleer opsies is ook beskikbaar.* Bepalings en voorwaardes geld.

Registrasies vir Graad 10-11 leerders in 2015 is nou oop.

Cum Laude Akademie se Afstandsleer help Tuisskolers om die Nasionale Senior Sertifikaat te behaal

AFSTANDSLEER GRAAD 10-12

Cum Laude Akademie is 'n geregistreerde SACAI Assessering- en Tutorsentrum in die Pretoria-omgewing wat aan leerders wat verkies om te tuisskool, die geleentheid bied om hul Graad 10-12, met die oog op die Nasionale Senior Sertifikaat Eksamen (matriek), deur *afstandsonderrig te bekom. Afstandsleerders van regoor S.A. werk in die privaatheid van hul eie huise, maar kommunikeer gereeld met Cum Laude Akademie in Centurion, Gauteng, om te verseker dat hulle in pas bly en alle werk betyds voltooi. Cum Laude Akademie se afstandsleerders kan nie bloot net teen hul eie pas werk nie. Hul kry akademiese projekte wat op bepaalde datums ingehandig moet word in opdrag van SACAI, die ekterne eksamenraad vir tuisskolers.

*Bepalings en Voorwaardes geld

Watter sertifikaat behaal Cum Laude Akademie se Graad 12 afstandsleerders?

Cum Laude Akademie Graad 12 afstandsleerders ontvang die dieselfde Nasionale Senior Sertifikaat as hoofstroomskole se leerders, na suksesvolle afhandeling van ALLE Graad 10-12 take en eksamens.  Dit is van uiterse belang om erkenning in die werksplek asook verdere studies te verseker.

Wat bied Cum Laude Akademie die Graad 10-12 afstandsleerder?

Afstandsleerders ontvang bobaas hulp en begeleiding van Cum Laude Akademie reg deur die jaar!

Cum Laude Akademie stuur die afstandsleerder se werkskedules aan die begin van elke kwartaal na die leerder sodat die leerder die werkspas kan bepaal en byhou. Cum Laude Akademie stel ook alle toetse op en merk dit nadat die leerder dit ingestuur het. Cum Laude Akademie merk ook alle take en mondelinge wat deur die eksamenraad voorgeskryf word.

Verder administreer Cum Laude Akademie ook die afstandsleerder se portefeuljelêer wat elke kwartaal deur SACAI modereer word.  Afstandsleerders is altyd welkom om Cum Laude Akademie te kontak as hulle onseker is of  vashaak en hoef nooit alleen of afgesluit te voel nie.

Hoe werk Graad 10-12 afstandsleerders se toetse en eksamens?

Cum Laude Akademie afstandsleerders moet presies dieselfde hoeveelheid toetse en take as sentrumleerders / hoofstroomskoliere afhandel en inhandig, aangesien die Graad 10-12 take, toetse deur SACAI en UMALUSI voorsgeskryf en wetlik verplig word.

Graad 12 afstandsleerders skryf, net soos sentrumleerders, 'n Junie-en Rekordeksamen asook die Oktober-eindeksamen wat ekstern deur SACAI opgestel en gemerk word.

Om aan hierdie vereistes te voldoen, is alle afstandleerders van Graad 10 -12  verplig om die eksamens by die Cum Laude Akademie-kampus in Centurion, Pretoria af te lê. Afstandsleerders is verantwoordelik vir hul eie reis en verblyfreëlings vir die volle duur van die eksamen wat meestal oor ‘n periode van 3-4 weke per eksamen strek.

Die vereiste eksamenomstandighede word ekstern deur SACAI voorgeskryf en dit is in die kind se beste belang om daaraan gewoond te raak. Eksamens wat korrek afgeneem word, gee die leerder die geleentheid om vir die uiteindelike Graad 12 eindeksamen voor te berei deurdat die leerder aan die formele eksamenlokaal-atmosfeer blootgestel word. Hoewel eksamentye vir sommige afstandsleerders verblyfsuitdagings mag bied, is dit egter uiters belangrik ter voorbereiding van elke leerder se eksamensukses.

Wat het 'n tuisskoler nodig wat afstandsonderrig deur Cum Laude Akademie doen?

• Alle Cum Laude Akademie-afstandsleerders moet gemaklike toegang tot selfone en die internet hê, aangesien meeste kommunikasie d.m.v. SMS, WhatsApp of epos plaasvind, asook Skype waar nodig. 
• Alhoewel Cum Laude Akademie tuisskolers wat afstandsonderrig doen baie goed begelei, bly dit ook elke ouer se plig om toe te sien dat hul kind toegang tot 'n tutor het wat in hul omgewing bly. Vakke soos Wiskunde en Wetenskap is nie grappies op Graad 10-12 vlak nie en afstandsleerders het nodig om met vakkenners kontak te hê wanneer hulle afstandsonderrig doen. Die kostes daarvan is die ouers s'n. 
• Afstandsleerders benodig ook die jaar se handboeke soos deur Cum Laude Akademie voorgeskryf.
• Afstandsleerders benodig verder skryfbehoeftes soos eksamenblokke, 'n krambinder, gom, skêr, oefeningboeke en 'n aanvaarbare sakrekenaar soos die CASIO FX991ES PLUS.
• Die tuisskoler moet ook toegang tot 'n drukker en skandeerder in die huis hê.

Watter kwaliteite is nodig om sukses as afstandsleerder te behaal?

Families wat afstandsleer oorweeg, moet vooraf besef dat hulle streng werksetiek benodig om suksesvol te wees.

Die werkspas en werkslas vir Graad 10-12 is baie vinnig en verg streng selfdissipline waarsonder sake vir die leerder ernstig bemoeilik sal wees.

Cum Laude Akademie verwag van tuisskolers (sentrumleerders sowel as afstandsleerders) verantwoordelikheid, selfwerksaamheid, getrouheid en voortreflikheid.

Graad 10-12 afstandsleerders en tuisskolers benodig ook toewyding, begrip en ondersteuning van familielede, aangesien die korrekte atmosfeer in die leerder se werksomgewing moet bestaan om die nodige werkspas te kan handhaaf om betyds deur alle werk te kom.

Ontydige wegbreeknaweke of vakansies buite-seisoen is nie meer in Graad 10-12 moontlik as die tuisskoler ernstig oor hul skoolwerk is nie.

Kan afstandsleerders Universiteitsvrystelling kry vir verdere studie?

Ja beslis! Afstandsleerders wat by Cum Laude Akademie ingeskryf is, voldoen net soos ander leerders aan die vereistes vir die Nasionale Senior Sertifikaat wat 'n voorwaarde vir tersiêre studie is, as hul die opdragte uitvoer en eksamens slaag. Die SACAI matrieksertifikaat verleen dieselfde toegang tot universiteite. Die regte vakkeuses en aanvaarbare prestasiesvlakke is egter Universiteitsvrystellingsvereistes wat leerders persoonlik aan moet voldoen. As die leerder verkeerde vakke in Graad 9 kies wat nie toelating tot Universiteite bied nie of swak presteer, kan die leerder dalk vrystelling verbeur.

Dit bly die ouer en leerder se verantwoordelikheid om by die tersiêre inrigting waar die leerder na skool wil studeer, reeds in Graad 9 uit te vind wat die spesifieke toelatingsvereistes vir spesifieke studierigtings is. Soms gaan dit buiten die Nasionale Senior Sertifikaat met spesiale vakkombinasies of met spesifieke minimum prestasievlakke gepaard. Die leerder moet vroegtydig hiervan weet, sodat hul doelgerig reeds in Graad 10 daarheen kan mik.

Waarom moet tuisskolers Cum Laude Akademie vir afstandsleer kies?

Tuisskolers wat by Cum Laude Akademie se afstandsleer ingeskryf is, se kanse op sukses is baioe groot omdat Cum Laude Akademie 'n leerders se hand vat en saam die pad na die matrieksertifikaat stap. Cum Laude Akademie het nog altyd 'n hart vir tuisonderrig en help graag leerders wat vertroud met tuisonderrig is of wat na hoofstroomskoling besluit om privaatonderrig tuis te ontvang.

Cum Laude Akademie-afstandsleerders word deurgans begelei om gefokus tuis te werk, by skedules te hou en so die hewige werksdruk te hanteer. Afstandsleerders het deurgaans kontak met Cum Laude Akademie en word ook vir eksamens afgerig.

Wat is die afstandsleer alternatief as die tuisskoler nie tuis kan byhou nie?

Tuisskolers wat voel dat hulle nie die pas met afstandsleer tuis kan baasraak nie, kan by die Cum Laude Akademie se tutorsentrum in Centurion inskakel waar leerders daagliks die nodige begeleiding ontvang en ook kan sosialiseer met ander tuisskolers wat in dieselfde bootjie as hulle is.

Graad 10-12 afstandsonderrig het beslis sy voordele, maar bied ook sy uitdagings. Die nuwe KABV (CAPS) Graad 10-12 is ‘n formele kwalifikasie en die tipiese rustiger tuisonderrigstyl wat tuisskoolleerders dikwels in Graad R-9 toe pas, is in Graad 10-12 nie meer raadsaam nie. Die pas in Graad 10-12 is baie vinniger, die werkslas groter en die vereistes baie hoër.

--------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 10-12 tuisskolers woon daagliks die tutorsentrum by en gebruik dieselfde KABV sillabus as wat die skole gebruik. Die Cum Laude sentrumleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. *Afstandsleer opsies is ook beskikbaar.* Bepalings en voorwaardes geld.

Registrasies vir Graad 10-12 leerders in 2015 is nou oop.

Vakkeuses en Vakbeskrywings vir Graad 10 - 12

Vakkeuses Gr. 10 tot 12

Om vakke aan die einde van Graad 9 te kies is nie 'n maklike taak nie! Watter kriteria gebruik ouers en leerders om op daardie jong ouderdom al so 'n ernstige keuse uit te oefen?

Moet ouers en tieners wat vakke kies fokus op:

• die leerder se akademiese sterkpunte?
• die leerder se belangstellings en voorlopige loopbaankeuse?
• wat die leerders se maats kies?
• wat die maklikste en minste werk van die leerder sal verwag?

Die beste sal wees as leerders vakke so kies dat hul die meeste moontlike opsies tot hul beskikking het na skool. Nie alle studente wil direk na skool verder studeer nie, maar mens weet nooit wat hulle later in hulle lewens sou besluit om te doen nie.

By Cum Laude Akademie glo ons die matrieksertifikaat bly eenvoudig die sleutel tot 'n blink toekoms vir almal en ons ondersteun graag leerders om reg te kies en alle opsies oop te hou. Hul mag dalk nie nou lus wees om te gaan studeer nie, of hulle kan dalk nie nou bekostig om te gaan studeer nie, maar mens weet nooit of hulle nie dalk later jare lus kry of die geld bymekaarskraap om wel te gaan studeer nie. Hoe dit ookal sy, Graad 9's wat vakke kies, moet dit ingedagte hou. Want of hul direk na skool of jare later besluit om te gaan studeer, sal die vakkeuse wat hul in Graad 9 uitgeoefen het, 'n impak hê.

Vir Graad 10-12 tuisskoolleerders wat by Cum Laude Akademie se sentrumleer of afstandsleer ingeskakel is, geld dieselfde voorskrifte as wat vir ander skole in die S.A. geld: sekere vakke is verpligtend vir alle Graad 10-12 leerders, aangesien die Onderwys Departement dit so bepaal terwyl ander vakke as keusevakke aangebied word.

Die verpligte vakke is:

• Afrikaans /Afrikaans Addisionele Taal
• Engels Addisionele Taal of Engels Huistaal, (mits die leerder vir Engels Huistaal  ʼn gemiddeld van 75% vir Engels in graad 9 behaal het.)
• Lewensoriëntering
• Wiskunde of Wiskundige Geletterdheid

Alle leerders wat by Cum Laude Akademie ingeskryf is, moet DRIE keusevakke of verdere addisionele vakke kies:

• FISIESE WETENSKAP
• LEWENSWETENSKAP - net as genoeg leerders die vak wil neem
• REKENINGKUNDE - net as genoeg leerders die vak wil neem
• BESIGHEIDSTUDIES
• RELIGIESTUDIES
• EKONOMIE
• GEOGRAFIE

Toelating tot verdere studie aan universiteite en kolleges vereis:

Vir Diplomastudies: Ten minste 40% in vier vakke in die Graad 12 eindeksamen, Lewensoriëntering uitgesluit.

Vir Graadstudies: Ten minste 50% in vier vakke,  Lewensoriëntering uitgesluit.

** Dit is belangrik om daarop te let dat sekere studierigtings by tersiêre instellings unieke vakpakkette vereis. Dit is u dus en u kind se eie verantwoordelikheid om u van hierdie vereistes te vergewis en kan Cum Laude Akademie nooit vir enige vakpakket wat u kies, verantwoordelik te hou wat dalk u kind in die toekoms mag penaliseer nie. Neem asb. kennis dat Wiskunde en Fisiese Wetenskap steeds ʼn vereiste vir universiteitstudie is.

Toelatingsvereistes tot Wiskunde Graad 10 by Cum Laude Akademie 

Om tot Wiskunde in graad 10 toegelaat te word, moet ʼn leerder ten minste 50% vir Wiskunde aan die einde van graad 9 behaal het. Indien die leerder dit nie behaal het nie, beveel ons aan dat ’n leerder Wiskundige Geletterdheid oorweeg. Leerders wat met gemak 50% vir Wiskunde in Graad 9 behaal het, word aangeraai om met Wiskunde te volhard, omdat Cum Laude Akademie nie daarinn glo om die maklike uitweg te kies net omdat mens kan nie. Onthou: Hou al jou toekomsopsies oop!

Vakbeskrywing van Cum Laude Akademie keusevakke

Besigheidstudie
In Besigheidstudie word daar onder andere na die volgende aspekte in die sakewêreld gekyk:
Besigheid en omgewingsfaktore, Besigheidsgeleenthede, Besigheidsrolle, Besigheidsfunksies, Bestuur en Leierskap,
Ondernemingsvorme, Wetgewing wat besigheid impakteer, Beleggings.

BEROEPSMOONTLIKHEDE:
Hierdie vak is praktykgerig en berei elke leerder voor om eendag ’n suksesvolle entrepreneur en sakeman te wees. Dit kyk na alle aspekte van besigheidsbestuur. Besigheidstudie bied ’n goeie basis vir leerders wat in enige ekonomiese rigting wil studeer.

Rekeningkunde
Rekeningkunde word praktykgerig aangebied en konsentreer daarop om leerders met praktiese vaardighede toe te rus t.o.v. volledige rekeningkundige rekordhouding van enige transaksie. Dit is ook ʼn sterk aanbeveling vir enige B.Com studierigting.

Gr. 10: Debiteure- en krediteure, Finansiële state, BTW-berekeninge, Loon- en Salarisjoernale, Begrotings
Gr. 11: Bateverkope, Bankversoeningstate, Kontrolerekeninge, Finansiële state, Vennootskappe, BTW, Vervaardigingsondernemings, Boekhouding van sportklubs, Kontantbegrotings
Gr. 12: Maatskappye, Kontantvloeistate, Begrotings, Voorraadstelsels en beheer, Voltooiing van BTW vorm en grootboekrekeninge, Ontleding en vertolking van finansiële state, Interne oudit, Etiek en interne beheer, Debiteure- en krediteure versoeningstate, Produksiekostestate van vervaardigingsondernemings

Ekonomie
Ekonomie is ’n vak wat leerders uitdaag om krities te dink en oplossings te vind vir ekonomiese vraagstukke. Die internet, koerante, tydskrifte en televisie word as media gebruik vir navorsing om agtergrondinligting te verkry, krities te evalueer en denke te stimuleer.

DOELSTELLINGS:
 ’n Uitgebreide ekonomiese woordeskat om te debatteer en kommunikeer. Die ondersoek van metodes en strategieë, menseregte, die invloed en impak van die plaaslike sowel as internasionale ekonomie, die impak van die geld- en bankwese.

’n Uitgebreide kennis van die vakgebied kan die leerder inspireer om die volgende loopbane te oorweeg: Bankwese, vervaardigingsbedryf, internasionale handel, entrepreneurskap en vermaaklikheidsbedryf.

Fisiese Wetenskap
TOELATINGSVEREISTES: Vanaf Graad 10-12 is Fisiese Wetenskap ’n keusevak.

DOELSTELLINGS:
Om logiese redenasies en gevolgtrekkings te ontwikkel. Eksperimentele werk geniet ’n hoë prioriteit en leerders word aangemoedig om self te doen en te ontdek.

VAKINHOUD
Chemie en Fisika:  Meganika, Golwe, Klank en lig, Elektrisiteit en Magnetisme, Materie en materiale
Organiese Chemie, Chemiese verandering, Chemiese stelsels, Sure en Basisse.

BEROEPSMOONTLIKHEDE:
Ingenieurswese, Medies, Tandheelkunde, Veeartsenykunde, Landbouwetenskappe, Fisikus, Chemikus, Arbeids- en Fisioterapie. Fisiese Wetenskap word ook sterk aanbeveel vir vele ander beroepe.

Lewenswetenskap
Lewenswetenskap is die enigste vak in die skool waar ons leer van lewende organismes.

DOELSTELLINGS:
Wakker leerders se belangstelling in die natuur, plante- en dierelewe en die menslike fisiologie aan. Bewusmaking van die belangrikheid van biodiversiteit en biogenetika in ons dinamiese wêreld. Om by leerders die respek vir die natuur aan te kweek.

VAKINHOUD:
Ekologie en bevolkingsdinamika, Ontwikkeling van plante en diere,Fisiologie: mens, plant- en dier, Teorieë oor die oorsprong van lewe, Verandering deur evolusie, die basis van genetika en genetiese manipulasie.

BEROEPSMOONTLIKHEDE:
Genetika, Biochemie, Wynbou, Natuurbewaring, Sportkunde, Verbruikerswetenskap, Medies

Geografie
Geografie is ’n wetenskap wat fisiese, menslike en ruimtelike kragte op aarde bestudeer, wat geïntegreerd voorkom oor ruimte en tyd. Dit bestudeer die verspreiding van bevolkings en hulle aktiwiteite t.o.v. fisieke en mensgemaakte strukture, ekosisteme en die interaksie tussen die mens en hulle omgewing. *Geografie  kwalifiseer ook as ʼn universiteitsvrystellingsvak.

VAKINHOUD:
Wisselwerking tussen die mens en sy omgewing, Bevolking en verstedeliking, Ontspanning, toerisme en ekonomiese aardrykskunde, Data-insamelingstegnieke, lugfotografie, kaart-analise en interpretasie. Wêreldprobleme en hulpbronne, Fluviale prosesse, Geomorfologie, Klimaat en weer, GIS.

BEROEPSMOONTLIKHEDE:
Stads- en streeksbeplanning, Geologie, Kartografie, Landskapsargitektuur, Weerkunde, Omgewingsbewaring, Rotsmeganika, Lugvaartkunde, Hidrologie, Argeologie, Sterrekunde.
Word ook sterk aanbeveel vir: Argitektuur, Bosbouwese, Vervoeringenieurswese, Grondkunde, Mynbou-ingenieurswese, GIS-rekenaar.

So, of jy nou tuisskool, 'n tutorsentrum bywoon of tuisonderrrig deur afstandsleer vanuit 'n verafgeleë dorpie in Suid-Afrika doen en wil matrikuleer, is hierdie die mees algemene/verpligte vakke wat enige leerder moet/kan neem. Vir afstandsonderrig is hierdie die vakke wat nie 'n te groot praktiese komponent het wat die saak vir afstandsleerders bemoeilik wat dalk nie fasiliteite soos laboratoria beskikbaar het nie.  Hierdie vakkombinasies is ook 'n veilige keuse indien die tuiskoler graag Universiteitsvrystelling wil bekom.

--------------------------------------------------------

Cum Laude Akademie is 'n geregistreerde SACAI Assesseringsentrum in Centurion. Graad 10-12 leerders woon daagliks die tutorsentrum by en gebruik dieselfde KABV sillabus as wat die skole gebruik. Die Cum Laude sentrumleerders word afgerig en toegrus om die jaar se sillabus betyds te voltooi en slaggereed vir die eksamen te wees. Graad 12 leerders skryf die Nasionale Senior Sertifikaateksamen en ontvang 'n Umalusi-sertifikaat, wat toegang verleen tot universiteite en kolleges, mits die vakkeuses en uiteindelike prestasies dit toelaat. 

Registrasies vir Graad 10-12 leerders in 2015 is nou oop.

Kontak Cum Laude Akademie vandag nog om jou kind te registreer.